Menu
blogid : 19050 postid : 1212364

गऊंआ के गलिआ में रहेला अब हरताल …( आजादी के अवसर गावँ – गवई )

shashwat bol
shashwat bol
  • 86 Posts
  • 77 Comments

(१)   जबसे हरिआ के बाबू चहुँप गइलें रजधानी                                                                                                                                                                                                                                                  गऊंआं भर के ढो लेलें ,राजनीति में जवानी ,                                                                                                                                                                                                                                                       हालत इहां तकले की ,बंद बा बबुआ के कथा – कहानी ,                                                                                                                                                                                                                                            केवनो ओरिआ अब बाजे ना गीत – भजन आ करताल                                                                                                                                                                                                                                             गंऊवां के गलिआ में हो गईल रोज के हरताल .                                                                                                                                                                                                                                                            (२)   देवरु के हो गइल जे सरकारी नोकरी                                                                                                                                                                                                                                                              मिल गइल बिया ‘यार ‘ बोली वाली छोकरी ,                                                                                                                                                                                                                                                         माई बुझे वोला बबुआ , भइलें बेकहल                                                                                                                                                                                                                                                                    दाई नीयन ,उनके सोझा ,हमरा लागेले हांकल ,                                                                                                                                                                                                                                                         सभका एक्के संगे बइठल , हो गइल भादो के परसाल                                                                                                                                                                                                                                        गऊँआ के गालिआ में हो गइल रोज के हरताल .                                                                                                                                                                                                                                                         (३)       बाबूजी आ अम्माजी के त बन भइल बा बोली                                                                                                                                                                                                                                           गावँ – घर में बाजे गीत जैसे बड़ुए फटहा होली ,                                                                                                                                                                                                                                                    नइहर के पूछवइया फोन – मेसेज ,बनल अब सहेली                                                                                                                                                                                                                                               छोटकी के फिकिर कपार चढ़ल , देख ज़माना के चाल ,                                                                                                                                                                                                                                             बड़को बबुआ फ़ैल करे लागलन हर एक साल                                                                                                                                                                                                                                                         गंऊआ के गालिया में हो गइल रोज के हरताल .                                                                                                                                                                                                                                                       (4 )   टोला से सूरुजवा दबंग भइल बा मुखिया ,                                                                                                                                                                                                                                                      चार जाना नवही चलेलन लेइ के दू नलिया ,                                                                                                                                                                                                                                                      अटारी पीट के गावँ – जवार के भइल सबसे सुखिया ,                                                                                                                                                                                                                                            टहल – टिकोरा करेला गावँ , बनल बा दुखिआ ,                                                                                                                                                                                                                                                        बूढ़ा – बूढ़ी के बेमारी से घर बनल बा अस्पताल                                                                                                                                                                                                                                                        कहीं का – एह घर में त   रह गइल बानी फटेहाल,                                                                                                                                                                                                                                                गँउवा के गालिया में हो गइल रोज के हरताल .                                                                                                                                                                                                                                                                                                                                                                                                                                                       (5)   गावँ के जोड़ा -पारी में , बाँचल बाड़ें इहे बुरबक संइया                                                                                                                                                                                                                                         कोल्हू के बैल से बेगार में करतानी हरवहीआ ,                                                                                                                                                                                                                                                      हमरे प गरम रहस ,सउसे दुनिया में बनस सिद्धवैया                                                                                                                                                                                                                                            हमरा कहेलन बासी – गीला , कइके मुहवा भभूक लाल                                                                                                                                                                                                                                             टीभीऐ देख कटरीना बहकस ,त हमरो बिगड़ जाले लए – ताल ,                                                                                                                                                                                                                            गँउवा के गालिया में हो गइल रोज के हरताल ….#                                                                                                                                                                                                                                                   ———————-@ अमित शाश्वत

Read Comments

    Post a comment

    Leave a Reply

    Your email address will not be published. Required fields are marked *

    CAPTCHA
    Refresh